Në kohën kur turizimi është kryefjala në vend, si një nga sektorët që kontribuon me më shumë të ardhura, Shqipëria ka lënë dyer e hapura për qytetarët ngë më shumë se 40 shtetet nga e gjithe bota duke i lejuar të lëvizin lirisht në vendin tonë. Sipas të dhënave zyrtare, prej kohësh Shqipëria ka eleminuar në mënyrë të përhershme regjimin e vizave për të gjitha vendet Bashkimit Europian, SHBA, Britaninë, Emirateve të Bashkuara Arabe si dhe disa vende të Amerikës Latine. Megjithatë, lista vendeve qytetarët e së cilëve lejohen të hyjnë në Shqipëri shtohet me ardhjen e verës për joshjen e të huajve nga të gjitha kontinentet. Me këtë angazhim, Shqipëria ka hequr së fundmi për afat kohore vizat për turistët e gadishullit arabik, Egjiptit, Indisë, Rusisë dhe Tajlandës. Vizat turistike janë lehtësuar edhe për banorët Rusë, edhe pse raportet politike kanë ngrirë, për të dënuar sulmin mbi Ukrainë.