Me 76 vota pro, 20 kundër dhe asnjë abstenim deputetët i hapën rrugë rigjallërimit të industrisë ushtarake. Ligji Për krijimin e shoqërisë shtetërore për prodhimin dhe tregtimin e armëve, municioneve, pajisjeve dhe teknologjive ushtarake hyri në komisione me procedurë të përshpejtuar. Në total do të jenë 300 milionë lekë që do të investohen për krijimi ne shoqërisë shtetërore KAYO që do të merret me prodhimin dhe tregtimin e armëve e municioneve si dhe me përcaktimin e rregullave se si do të ushtrohet kjo veprimtari. Gjatë fjalës së mbajtur në Kuvend ministri I Mbrojtjes Niko Peleshi vuri theksin tek samitet e fundit të NATO-s, ku është miratuar plani i veprimit për prodhimet e mbrojtjes dhe zgjerimin e kapacitetit industrial. Ai tha se industria ushtarake do të kontribuojë në rritjen e të ardhurave në buxhetin e vendit dhe do të krijojë mundësi të reja ekonomike. Por opozita edhe kësaj here ngriti pikëpyetje pasi sipas saj drafti fsheh skenarë se në këtë aktivitet do të përfshihen subjekte private. Me miratimin e ligjit tashmë Shqipëra do të nis prodhimin e armëve për Forcat e Armatosura por dhe për t’I shitur ato. Në seancë u miratua gjithashtu edhe projektligji “Për rregullimin e prodhimit, tregtimit, kërkimit dhe zhvillimit të armëve, municioneve, pajisjeve dhe teknologjive ushtarake” ai "Për miratimin e Planit Afatgjatë të Zhvillimit të Forcave të Armatosura 2024- 2033" si dhe nisma ligjore “ Për ratifikimin e marrëveshjes kuadër ushtarake ndërmjet Këshillit të Ministrave të Republikës së Shqipërisë dhe Qeverisë së Republikës së Turqisë”.