Anëtarë të lëvizjes ‘Shqipëria Bëhet’ zhvilluan takime me emigrantët shqiptarë në Londër, ku një prej temave të diskutuara ishte vota e emigrantëve. Kreu i lëvizjes, ‘Adriatik Lapaj’ tha se shumë shpejt do të dorëzohet në Kuvend propozimi ligjor për ndryshime në Kodin Zgjedhor. Ne sapo të kthehemi në Tiranë këtë javë, kemi gati draft propozimin ligjor, për votën e emigrantëve, për ndryshime në kodin zgjedhor. Do e hedhim këtë javë. Nëse nuk ka reflektim, ne do mbledhim 20 mijë firma në Shqipëri, për votën e Diasporës, për ta çuar si iniciativë ligjore dhe ta detyrojmë parlamenti të shprehet. Nëse as kjo nuk funksionon, ka një rrugë finale. Rruga finale është: 'Të flisni në telefon me këdo në Shqipëri, e t'i bindni që është koha për të ndryshuar. Dhe nga ana tjetër, vet kur të vijë koha, masivisht, nëpërmjet një eksodi të madh nga Anglia në Shqipëri, të vini të shkundni votën e t'i ndëshkoni nëpërmjet votës.