Banorët e rrugës Pjetër Budi në kryeqytet u tronditën në orët e para të mëngjesit këtë të enjte, pas shpërthimit të një sasie tritoli në gomën e një automjeti parkuar në këtë rrugë. Ngjarja u shënua rreth orës 4 të mëngjesit, ku lënda plasëse u vendos në gomën e parë të një makine të parguar në afërsi të një spitali privat. Automjeti është në pronësi të shtetases Matilda Kaja me profesion mjeke, teksa nga tritoli fatmirësisht u shkaktuan vetëm dëme materiale. Policia e Tiranës e cila reagoi zyrtarisht mbi këtë rast, nuk ka mundur të identifkojë ndonjë person i cili mund të ketë vendosur sasinë e tritolit në makinën e mjekes.