Një shpërthim aksidental i një bombole zjarrëfikëse në një makinë policie greke ka shkaktuar kaos në kryeqytetin grek. Ngjarja ndodhi rreth orës 10.30 të paradites të së dielës në qendër të Athinës. Në momentin që një automjet i patrullës së ndërhyrjes së shpejtë të policisë helene po qarkullonte në rrugët e qendrës, në rrethana ende të pa qarta një bombul e zjarrëfikëses së automjetit shpërtheu duke mbushur në pak sekonda automjetin me pluhur toksik. Shpërthimi u ka shkaktuar agjentëve të policisë probleme me frymëmarrjen, ndërsa disa shtetas shqiptarë të cilët kanë qenë kalimtarë të rastit u dhanë atyre ndihmën e parë. Brenda pak minutave situata u normalizua ndërsa të katër agjentët e policisë u urdhëruan të shkojnë me urgjencë në spitalin ushtarak të athinës për tu ekzaminuar prej mjekëve. Automjeti pritet të ekzaminohet prej ekspertëve të cilët do të vlerësojnë shkaqet e aksidentit.