Qeveria e Maqedonisë së Veriut vendosi që duke nisur nga 10 marsi të hyjë në fuqi ndalim-qarkullimi, një masë kjo të cilën ekzekutivi i vendit fqinj ishte përpjekur ta shmangte, por tani përballë rritjes së rasteve me koronavirus, e konsideron një domosdoshmëri. Ndalim-qarkullimi do të nisë në orën 10 të mbrëmjes dhe do të zgjasë deri në 5 të mëngjesit. Kufizimi i lëvizjes do të jetë në fuqi deri në 22 mars. Po kështu të gjithë shtetasit të cilët vijnë nga vendet e Afrikës do të hyjnë në karantinë për 14 ditë në shtëpitë e tyre, ndërsa për shtetasit e huaj do të përgatitet një objekt shtetëror. Kryeministri Zoran Zaev bëri thirrje për respektimin e masave. Për herë të fundit, pra policore në Maqedoninë e Veriut ishte vendosur nëntorin e vitit të kaluar. Vendi ka filluar procesin e vaksinimit me rreth tetë mijë dozat që i ka dhuruar Serbia, teksa pritet të fillojë imunizimi edhe me tre mijë vaksinat ruse “Sputnik V” të cilat mbërritën të dielën. Autoritetet qeveritare thonë se kanë porositur 200 mijë vaksina ruse. Që nga fillimi i pandemisë në maqedoninë veriore janë regjistruar mbi 108 mijë raste me koronavirus dhe mbi 3.200 viktima.