Disa zyrtarë të Autoritetit Rrugor në Durrës janë vënë në pranga nga policia pas 9 urdhër arrestave të firmosura nga prokuroria. Zyrarët e ARRSH-së në Durrës akuzohen për shpërdorim detyre dhe për dhënien e ndihmës për ndertim të paligjshëm”, kryer në bashkëpunim, parashikuar nga Kodi Penal. “Faktet mbi të cilin është regjistruar ky procedim kanë të bëjnë me një sërë aksidentesh automobilistike që kanë ndodhur në rrugën nacionale Plepa Kavajë dhe konkretisht në kilometrin e tretë, ndodhet një pikë furnizimi me karburant, i cili dyshohet se është ndërtuar dhe ka marë leje në kundërshtim me ligjin”, thuhet në njoftimin e prokurorisë. Pas hetimeve të kryera nga organi i akuzës ndaj personave të dyshuar, është bëre ekzekutimi i masës së sigurisë arrest me burg, ndaj zyrtarëve të autioritetit rrugor shtetror në durrës, në detyra të dnryshme, Agron Hasa, Kastriot Braha , Aferdita Basha, Dhurata Lazaj, Astrit Zenelaj, Spartak Tarka, Lek Tushaj, Rezart Arkaxhiu, Xhevat Vataksi. Dyshohet se dëmi financiar që i kanë shkaktuar buxhetit të shtetit është gati 200 milion lekë, cka ka sjellë nisjen e hetimeve nga ana e prokurorisë. Dëmi është shkaktuar pasi karburanti në rrugën plepa-kavajë, prekej nga projekti për ndërtimin e rrugës. Për pasojë pronari i tij është shpronësuar me 200 mln lekë, por më pas përmes falsifikimit të dokumentave dhe korruptimit të zyrtarëve e ka mbajtur karburantin, duke i krijuar edhe akses bhyrje e dalje ne rrugen kryesore.