Bota e ciklizmit shokohet, australiani Rohan Dennis 33 vjec, dy herë kampion bote në garat kronometër individual në 2018 dhe 2019 është arrestuar në Adelaide me akuzën e vrasjes së bashkëshortes dhe nënës së dy fëmijëve të tij, Melissa Hoskins 32 vjec duke i shkaktuar aksident me makinë. Sipas medias australiane, Dennis aksidentoi me vullnet të plotë bashkëshorten e tij me një minifurgon të familjes në një distancë të shkurtër nga banesa në Medindie, pranë Adelaides, ku familja e ciklistit ishte transferuar prej pak më shumë se 1 javes. Ish ciklisti i skuadrës Jumbo Visma u akuzua se shkaktoi vdekje duke drejtuar në mënyrë të rrezikshme, të pakujdesshme dhe të gabuar të automjetit të tij. Melissa u transportua në spitalin Royal Adelaide në gjendje kritike, ku edhe ndërroi jetë për shkak të plagëve të marra në aksident. Ndërsa Rohan Dennis u lirua me kusht, por 33 vjecari do të duhet të dalë para gjykatësit në 13 mars të 2024. Rohan Dennis kohët e fundit u tërhoq nga ciklizmi duke e mbyllur karrierën në Kanada pas 33 fitoreve. Në karrierën e tij, Dennis ka fituar një etapë në Giro d’Italia, një në Tour de France dhe dy në Vuelta de Espana. Karriera e tij është pasuruar me një medalje të argjendtë olimpike në disiplinën e ciklizmit në pistë dhe dy tituj botërorë për skuadra. Edhe Melissa Hoskins ka qenë një cikliste, kampione e botës për skuadranë ciklizmin në pistë në 2015 dhe disa herë kampione e Australisë në po të njëjtën disiplinë. Po kështu ajo ka qenë pjesëmarrëse edhe në garat e rrugës në 2011, ndërsa në 2017 deklaroi tërheqjen nga ciklizmin, ndërsa në 2018 lidhi kurorë me Rohan Dennis