Shkodra vijon të jetë e përmbytur dhe sipas informacioneve të fundit 5370 hektarë tokë janë në ujë. Ashtu si edhe para disa ditëve, rruga e Obotit është e bllokuar. Nga monitorimi periodik në terren situata e përmbytjeve në terren vazhdon të jetë e rënduar dhe në tejkalim të shifrave të hidrometrit në Dajç, Liqenin e Shkodrës dhe lumin Drin. Niveli i ujit mbi rrugë arrin rreth 130 cm, ndërsa në disa banesa të Obotit, prezenca e ujit në oborre shkon deri në 140 centimetra. Ashtu si prej shumë ditës, ujësjellësi Oblika 1, si pasojë e përmbytjeve është jashtë funksionit dhe vijon furnizimi me ujë të pijshëm nga autobotet e ujësjellësit të shkodrës. Edhe Rruga e Goricës është e pakalueshme nga mjetet e ulëta. Niveli i ujit mbi rrugë arrin rreth 40 cm. Gjendje e vështirë është në lagjen Gallube, fshati Oblikë, ku janë përmbytur garazhe e stalla bagëtish. Po kështu edhe në fshatin Muriqan ka garazhe e stalla bagëtish. Në gjendje të plotë gatishmërie janë makinat e ushtrisë, që bëjnë të mundur lëvizjen e njerëzve për nevoja emergjente. Sipas Shtabit të Emergjencave të Bashkisë, fshati Obot është ne gjendje te jashtezakonshme rrezikshmerie! Në zonat e Shirq dhe darragjat ka prezencë uji dhe 9 shtëpi rezultojnë të përmbytura. Në rrugën kryesore të Dajçit është vështirësuar jashtëzakonisht lëvizja me vetura si dhe në aksin nacional Dajç- Velipojë. Edhe në Bërdicë nuk ka asnjë përmirësim të situatës. Madje vijon të mbetet e njëjta gjëndje, si një ditë më parë. Sipërfaqja e tokës bujqësore e përmbytur vlerësohet në 1200 hektarë konkretisht në fshatrat Trush, Berdicë e Sipërme dhe Berdice e Madhe. Vazhdon e përkeqësuar situata nga përmbytjet në zonen e Livadheve. Si pasojë e përmbytjeve, rreth 200 shtëpi kanë prezencë uji në oborre.