Tre akademikë rusë që kanë punuar në teknologjinë e raketave hipersonike përballen me akuza shumë të rënda, tha kremlini së fundmi, në kuadër të një hetimi për tradhëti që ka ndezur sirenat e alarmit në komunitetin shkencor të rusisë. Zëhdënësi i Kremlinit, Dmitri Peskov, tha se ai ishte në dijeni për një letër të hapur të dërguar nga shkencëtarët e Siberisë, në mbrojtje të akademikëve, por se rasti ishte në duart e shërbimeve të sigurisë. Në letrën e publikuar këtë të hënë, kolegët e Anatoly Maslov, Aleksander Shiplyuk dhe Valery Zveginstev, protestonin për pafajësinë e tyre dhe nënvizonin se prokuroria rrezikonte ti shkaktonte dëme të pariparueshme shkencës ruse. “Ne njohim secilin prej tyre si patriotë, si njerëz të ndershëm, që nuk janë në gjendje të bëjnë atë për të cilën autoritetet dyshojnë”, thuhej në letër. Atje përmendej edhe rasti i Dmitry Kolker, një tjetër shkencëtar nga siberia, që ishte arrestuar vitin e kaluar nën dyshimin për tradhëti dhe ishte dërguar në moskë pavarësisht se vuante nga kanceri i avancuar në pankreas. Kolker, një specialist lazeri, vdiq dy ditë pas arrestimit. Tani, shkencëtarët rusë, thonë se jo vetëm janë të shqetësuar për kolegët e tyre, por edhe se vetë ata nuk dijnë si ta kryejnë punën e tyre...Presidenti rus Vladimir Putin, ka thënë se rusia është lider global për sa i takon raketave hipersonike, të afta të udhëtojnë me shpejtësi deri në Mach 10 për të evituar mbrojtjen ajrore armike. Të martën, ukraina tha se kishte mundur të shkatërronte gjashtë raketa të tilla në një natë të vetme, edhe pse rusia e hodhi poshtë këtë mundësi.