Kryeministrja e Norvegjisë, Erna Solberg, është gjobitur pasi shkeli rregullat e koronavirusit pasi organizoi një takim familjar për të festuar ditëlindjen e saj. Lajmi për gjobën ndaj kryeministres u konfirmua nga vetë policia norvegjeze. Erna Solberg u gjobit me 20 mijë krona, ose rreth 2 mijë euro, tha shefja e policisë norvegjeze në një konferencë për shtyp. Kryeministrja kërkoi ndjesë muajin e shkuar pasi u mësua se kishte organizuar një event për të festuar ditëlindjen e saj të 60-të, bashkë me 13 pjesëtarë të familjes së saj në një resort malor, pavarësisht se qeveria ndalon eventet në të cilat janë të pranishme më shumë se 10 persona. Edhe pse policia nuk do të vendoste gjobë normalisht, në një rast të ngjashëm, kryeministrja ka qenë në krye të përpjekjeve të qeverisë për të respektuar kufizimet e vendosura për shkak të pandemisë – tha policia. “Edhe pse ligji është i njëjtë për të gjithë, të gjithë nuk janë njësoj përpara ligjit”, thanë zyrtarët e policisë.