Specialistët e Krimit të Komisariatit të Policisë nr. 5 në KAmëz kanë goditur një grup kriminal, që shisnin armë zjarri në Tiranë. Operacioni ‘Members’, u finalizua pas 3 muajsh hetime me metoda proactive. Në pranga kanë përfunduar dy pjesëtarë të grupit kriminal, Bledar Jella 29 vjeç dhe Xhemal Shehi 60 vjeç, të dy banues në Kamëz, ndërsa u shpall në kërkim edhe 29-vjeçari me iniciale S.C. Ndaj dy të arrestuarve Gjykata e Tiranës iu ka caktuar masën e sigurisë “Arrest në burg”. Policia u ka sekuestruar dy armë zjarri pistoleta dhe municion luftarak, që dyshohet se do të shiteshin në Tiranë.