Këtë të hënë qeveria greke ka bërë me dije disa msa të reja për parandalimin e përhpajes së variantit Omicron. Masat që do të futen në fuqi më 3 janar deri me 16 janar, synojnë kufizimin e ambienteve argëtuese të natës. Sipas autoriteve greke, masat e reja përfshijnë mbajtjen e maskave nëpër dyqane ushqimore, në transportin publik dhe në sektorin e gastronomisë. Këro masa erdhën pas rritjes së infektimeve dhe numrit të vdekjeve ditët e fundit, ndërsa këtë të hënë Greqia regjistroi 9,284 raste të reja dhe 66 viktima. Qeveria greke gjithashtu do të lejojë që ngjarjet sportive të mbahen nën rregulla të reja, duke lejuar vetëm deri në 1,000 persona të ndjekin nga afër ngjarjet e ndryshme sportive. Nga ana tjetër, personat që vizitojnë familjarët apo miqtë e tyre në shtëpitë e kujdesit do të lejohen ta bëjnë një gjë të tillë, për aq kohë sa paraqesin një test negativ PCR jo më të vjetër se 48 orë. Sa i përket personave të pavaksinuar, ata nuk mund të marrin pjesë në ngjarje që mbahen në ambiente të hapura dhe të mbyllura. Ekspertët shëndetësorë thonë se Omicroni është më i transmetueshëm sesa variantet paraprake të koronavirusit, por dy studime kanë gjetur se ky variant ka gjasa të shkaktojë sëmundje më të lehtë krahasuar me variantin Delta.