Kancelari gjerman Olaf Scholz i ka kërkuar Turqisë të tregohet e përmbajtur kundrejt Greqisë ndërsa tensionet mes dy vendeve janë ndezur – tha një zëdhënës i qeverisë gjermane. “Kancelari është i mendimit se në situatën aktuale, ëhstë e nevojshme që aleatët e NATO-s të qëndrojnë në krah të njëri tjetrit dhe të përmbahen nga provokimet mes tyre”, tha zëdhënësi në një konferencë për shtyp në Berlin. “Shkelja e hapësirës ajrore greke dhe fluturimi mbi ishujt grekë, nuk është i pranueshëm, duket kundërproduktin dhe në kundërshtim me shpirtin e aleancës”, shtoi zëdhënësi. Greqia dhe Turqia kanë shkëmbyer akuza për shkelje të hapësirës ajrore javët e fundit. Turqia dhe Greqia, të dyja anëtare të NATO-s janë përplasur prej kohësh për një seri cështjesh, duke filluar nga kufijtë detarë, hapësira ajrore dhe marrëdhëniet me qipron e ndarë. Gjermania është angazhuar në zgjidhjen e përplasjeve mes greqisë dhe turqisë në dialog privat dhe bazuar në ligjin ndërkombëtar – tha zëdhënësi. Në të njëjtën kohë, shtoi ai, ne nuk mund të pranojmë vënien në diskutim të sovranitetit të vendeve anëtare të Bashkimit evropian. Ministri i jashtëm turk reagoi shpejt duke dënuar deklaratat e Scholz dhe tha se ankaraja do të vazhdojë të mbrojë sovranitetin e saj përballë shkeljes së hapësirës së saj ajrore nga forcat greke. “Ne dënojmë fort dhe refuzojmë deklaratat e pabaza kundër vendit tonë nga zyra e kancelarit gjerman”, tha ministria në një deklaratë. Ne presim që Gjermania të ftojë Greqinë të veprojë në pajtim me marrëveshjet ndërkombëtare në vend që të bëjë deklarata të pabaza që nuk janë në një linjë me shpirtin e aleancës.