Pas një viti përfundoi procesi në gjykatën sportive Spor Resolution për Izmir Smajlaj me akuzën e mashtrimit me rezultatin e një gare të këtij të fundit, me atletin e kërcimit së gjati që u shpall i pafajshëm. Por në vendimin e saj kjo gjykatë nuk kurseu dy drejtuesit më të lartë të Federatës Shqiptare të Atletikës, presidentin Gjergj Ruli dhe Sekretarin e përgjithshëm Nikolin Dionisi që janë dënuar respektivisht me 5 dhe 4 vjet pezullim. Së fundmi është zbuluar një foto që është pjesë e dosjes së kësaj cështjeje që tronditi nga themelet qeverinë e atletikës shqiptare që pas kësaj cështjeje e cila në 19 maj do të mbajë Asamblenë Zgjedhore të saj për te zgjedhur drejtuesit e rinj. E gjithë kjo histori e ka zanafillën te gara e 2021 në eventin ‘dita e Kërcimeve’ kur Smajlaj vendosi një rekord të ri kombëtar me 8.16 m. Rezultati iu dërgua Federatës Ndërkombëtare të Atletikës dhe në procesverbal ishte shënr edhe shpejtësia e erës, e cila matet me një pajisje të posacme që në vendin tonë nuk ka ekzistuar dhe në ato gara që është përdorur është marrë nga vendet fqinje.