Kërcënimet dhe presioni nuk janë mënyra e duhur për t'u përballur me Kinën, tha të hënën një zëdhënës i ministrisë së jashtme kineze, pasi i përshkroi "tarifat reciproke" të presidentit amerikan Donald Trump si një bullizm. Tarifat janë "një akt i njëanshëm tipik proteksionizmi si edhe një bullizim ekonomik", tha zëdhënësi në një konferencë për shtyp, duke shtuar se tarifat e SHBA-së në emër të reciprocitetit i shërbejnë vetëm interesit të saj, në kurriz të vendeve të tjera. Javën e kaluar, Trump prezantoi një tarifë shtesë prej 34% për mallrat kineze si pjesë e taksave të larta të vendosura ndaj shumicës së partnerëve tregtarë të SHBA-së, duke e çuar totalin e tarifave ndaj Kinës këtë vit në 54%. Kina u kundërpërgjigj me një sërë kundërmasash. "Abuzimi me tarifat nga Shtetet e Bashkuara është i barabartë me privimin e vendeve, veçanërisht atyre në Jugun Global, nga e drejta e tyre për zhvillim," tha zëdhënësi i ministrisë së jashtme kineze duke përmendur një hendek në rritje mes të pasurve dhe të varfërve në çdo vend ndërkohë që vendet më pak të zhvilluara janë ato që vuajnë pasojat më të rënda.