Gazetari amerikan Evan Gershkovich, i cili u arrestua dhe u akuzua për spiunazh në Rusi javën e kaluar, ka apeluar vendimin për paraburgim nëpërmjet avokatëve të tij, ndërsa Uashingtoni tha se po "po bënte të gjitha përpjekjet" për të siguruar lirimin e tij. Një gjykatë në Moskë të enjten e kaluar e la në paraburgim gazetarin e gazetës Ëall Street Journal deri më 29 maj me akuza që parashikojnë një dënim deri në 20 vjet burg. Ekipi mbrojtës i Gershkovich ka apeluar vendimin që ai të mbahet në burgun Lefortovo të Moskës në pritje të gjykimit. Ëall Street Journal ka mohuar akuzat kundër tij, i ka cilësuar ato si "një sulm të egër ndaj një shtypi të lirë" dhe ka bërë thirrje për lirimin e tij të menjëhershëm. Kremlini tha javën e kaluar, pa dhënë prova, se Gershkovich ishte "kapur në flagrancë".