SHBA është e bindur se vendimi i Rusisë për të pezulluar marrëveshjen e grurit të Detit të Zi do të rrezikojë sigurinë ushqimore dhe do të dëmtojë miliona njerëz. Shtëpia e Bardhë i kërkoi të hënën Rusisë të “kthejë menjëherë vendimin e saj” dhe të mos braktisë marrëveshjen me Ukrainën. “Vendimi i Rusisë për të pezulluar pjesëmarrjen në Nismën e Grurit të Detit të Zi do të përkeqësojë pasigurinë ushqimore dhe do të dëmtojë miliona njerëz të pambrojtur anembanë botës. Iniciativa e Drithit të Detit të Zi ka qenë kritike për të ulur çmimet e ushqimeve në të gjithë botën, gjë që u rrit si rezultat i pushtimit brutal dhe të paprovokuar të Ukrainës nga Rusia”, tha zëdhënësi i Këshillit të Sigurisë Kombëtare Adam Hodge në një deklaratë. Edhe Presidenti ukrainas, Volodymyr Zelensky ka kërkuar që marrëveshja e eksportit të grurit në Detin e Zi të vazhdojë. “Edhe pa Federatën Ruse, gjithçka duhet gjetur një mënyrë që ne të mund të përdorim këtë korridor të Detit të Zi. Nuk kemi frikë,” tga Zelensky. Nisma e Grurit të Detit të Zi, që lejon të skadojë eksporti i grurit ukrainas.