I dërguari i posaçëm i Shteteve të Bashkuara për Ballkanin Perëndimor, Gabriel Escobar i dërgpo të premten një mesazh të prerë BE, duke thënë se se ideja e një Evrope të lirë dhe në paqe nuk është e plotë pa Ballkanin Perëndimor. Në një intervistë për Zërin e Amerikës, Escobar shprehu mbështetjen e SHBA për fillimin e konferencave ndërqeveritare me BE-në për Shkupin dhe Tiranën duke thënë se ky ëhstë momenti i tyre për të bërë hapa drejt integrimit. Zyrtari i lartë I DASH konfirmoi po ashtu se SHBA po negocion dialogun mes Bullgarisë dhe Maqedonisë së Veriuit për të gjetur një kompromis për veton e vënë nga Sofja “Mendoj se janë Maqedonia e Veriut dhe Shqipëria që kanë radhën për të filluar procesin e Konferencave Ndërqeveritare. Prandaj ne po përpiqemi të gjejmë mënyra që të punojmë së bashku për të ndihmuar në zgjidhjen e disa nga çështjeve të Ballkanit. Ne kemi nevojë për Maqedoninë e Veriut në Bashkimin Evropian, kemi nevojë për të gjithë Ballkanin Perëndimor në Bashkimin Evropian. Ideja që ne filluam në vitin 1989 për të krijuar një Evropë plotësisht të lirë dhe në paqe nuk është ende e plotë dhe ne duhet të vazhdojmë të punojmë për të.