Presidenti amerikan Joe Biden tha se SHBA nuk e mbështet pavarësinë e Tajvanit pasi zgjedhësit tajvanezë refuzuan Kinën dhe i dhanë partisë në pushtet një mandat të tretë presidencial. Më herët, kandidati i partisë progresive demokratike në pushtet, Lai Ching-te, u ngjit në pushtet duke refuzuar me forcë presionin e kinës kundër tij dhe premtoi se do të kundërshtojë pekinin por edhe do të kërkojë bisedime. “Ne nuk e mbështesim pavarësinë”, tha Biden i pyetur nga gazetarët për zgjedhjet e të shtunës. SHBA, e zhvendosi njohjen diplomatike nga taipei në pekin në 1979 dhe ka thënë prej kohësh se nuk mbështet një shpallje formale të pavarësisë nga Tajvani. Ajo sidoqoftë, ka marrëdhënie jo zyrtare me ishullin që vetëqeveriset dhe mbetet mbështetësja më e fortë e tij si edhe furnizuesja më e madhe me armë. Pekini, që nuk ka hedhur poshtë as mundësinë e përdorimit të forcës për të kthyer tajvanin nën kontrollin e tij, druan se presidenti i ri mund të shpallë republikën e Tajvanit, që Lai ka thënë se nuk do ta bëjë... Biden më herët ka zemëruar qeverinë kineze me komentet e tij që duket se sugjeronin se SHBA do të mbronte ishullin nëse ai sulmohej, një devijim ky nga politika e hershme amerikane. Komentet e tij të fundit, duket se janë një përpjekjue për të qetësuar pekinin.