Këshilltari për sigurinë kombëtare në SHBA, Jake Sullivan, ka konfirmuar se kanalet e komunikimit mes Uashingtonit dhe Moskës mbeten të hapura. Konfirmimi vjen pasi shtëpia e bardhë refuzoi të mohonte raportet se Sullivan kishte kryesuar bisedimet me rusinë për të parandaluar një përshkallëzim bërthamor në Ukrainë. Duke folur në Nju Jork, Sullivan tha se ishte në interesin e SHBA të ruante kontaktet me Kremlinin. Por, ai insistoi se zyrtarët janë të vetëdijshëm se me kë po bisedojnë. Uoll Strit Xhornëll raportoi se Sullivan ka zhvilluar diskutime konfidenciale me homologun e tij rus, sekretarin e këshillit të sigurisë, Nikolai Patrushev dhe ndihmësin e lartë të Kremlinit Yuri Ushakov, gjatë muajve të shkuar. Zyrtarë të lartë i thanë gazetës se ata kishin diskutuar për mënyrat se si të evitohet përshkallëzimi bërthamor në luftën në Ukrainë por nuk janë angazhuar në asnjë negociata për mënyrat se si ti jepet fund konfliktit.