Shkrimtari nacionalist rus, Zakhar Prilepin, është plagosur si pasojë e një sulmi me bombë të shtunën, dhe për këtë, Rusia ka fajësuar menjëherë Ukrainën dhe Perëndimin. Agjencia e lajmeve TASS, ka cituar Ministrinë e Brendshme ruse të ketë thënë se një person është vrarë në shpërthimin që ka ndodhur në rajonin Nizhny Novgorod, rreth 400 kilometra në lindje të Moskës. Një zëdhënës i ministrisë tha se i dyshuari është arrestuar. Zëdhënësja e Ministrisë së Jashtme ruse, Maria Zakharova, tha në Telegram se “faktet janë të vërteta: Uashingtoni dhe NATO-ja kanë ushqyer një tjetër qelizë terroriste ndërkombëtare, regjimin e Kievit”. Ajo tha se sulmi është “përgjegjësi direkte e SHBA-së dhe Britanisë”, mirëpo nuk ekzistojnë dëshmi për të mbështetur akuzat. “Ne lutemi për Zakharin”, ka thënë ajo.