Pas urdhrit të presidentit Donald Trump në SHBA ka nisur dëbimi i imigrantëve. Avionët ushtarakë amerikanë C-17 kanë nisur të transportojnë emigrantët e parë, ndërsa në të njëjtën kohë Pentagni po përgatitet të dërgojë trupa shtesë ushtarakë në kufirin me Meksikën. Dy avionë ushtarakë amerikanë, secili me afër 80 imigrantë, fluturuan nga SHBA-ja për në Guatemalë, tha një zyrtar për agjencinë Reuters.“Guatemala dhe Shtetet e Bashkuara janë të përkushtuar për t’i dhënë fund imigrimit ilegal dhe për të forcuar sigurinë kufitare. Sot kemi nisur me dy fluturime”, tha Departamenti amerikan i Shtetit. Kjo është hera e parë në historinë moderne amerikane që avionët ushtarakë përdoren për të transportuar imigrantë, tha një zyrtar, shkruan Zëri I Amerikës. Emigracioni I paligjshëm, për presidentin Trump është një emergjencë kombëtare. Ai p oashtu firmosi një dekret për të mos lejuar më marrjen e shtetësisë përmes lindjes në SHBA, si dhe ndaloi hapat për azil. “Fluturimet e dëbimeve kanë nisur”, shkroi në X zëdhënësja e Shtëpisë së Bardhë, Karoline Leavitt. Pentagoni tha se ushtria amerikane do të kryejë fluturime për dëbimin e më shumë se 5.000 imigrantëve që mbahen nga autoritetet amerikane në El Paso, Teksas dhe San Diego, Kaliforni.