Një 27 vjecar ra në prangat e policisë Mallakastër, pasi shantazhoi 2 adoleshente për t’i dhënë para që të mos i publikonte atyre foto dhe video me përmbajtje personale. Mario Rranci, banues në Ballsh u arrestua nga efektivët e policinë, pasi ai akuzohet për kryerjen e veprave penale “Shtrëngimi me anë të kanosjes ose dhunës për dhënie pasurie”. 27 vjecari shantazoi dy vajza të moshave 15 dhe 17 vjeçe, duke u thënë se nëse nuk u jepnin atyre shumën e parave që ai kërkonte, do të publikonte në mediat sociale, video dhe foto të atyre, të cilat kishin përmbajtje personale. Denoncimi në polici lidhur me rastin në fjalë, dyshohet se u bë nga vetë adoleshëntet dhe mënjehrë pas marrjes së këtij njoftimi, policia organizoi punën dhe vuri në pranga Mario Rrancin. Ky i fundit do qëndrojë në qelinë e paraburgimit deri në përfundimin e plotë të hetimeve, ku më pas do vendoset për fatin e tij.