“Kosova është Serbi. Ishte dhe do të jetë. Fundi i historisë”, ka shkruar Presidenti I Serbisë, Aleksander Vuçiç në një postim në rrjetin e tij social ‘FaceBook’. Po ashtu, në një deklaratë nga Kazakistani, presidenti serb ka mohuar se ministri i Jashtëm i Serbisë, Marko Gjuriq, ishte ftuar në Ëashington nga sekretari amerikan i Shtetit, Marco Rubio, për t’u informuar për “një marrëveshje sekrete detyruese për njohjen e pavarësisë së Kosovës”. Ai tha se këto janë trillime. “Nuk më shkon ndërmend, jo me Marco Rubion, po me Shën Pjetrin, të flasë për Kosovën. Kosova është Serbi dhe do të jetë. Ky është fundi i historisë”, tha Vuçiç. Presidenti tha se Gjuriç e takoi krejt rastësisht dhe pa planifikim sekretarin amerikan. Ish-ambasadori i Serbisë në Ëashington, Nebojsha Vujoviç, në një deklaratë për agjencinë e lajmeve “Beta”, tha se qëllimi kryesor i ftesës së Gjuriç në Ëashington ishte për t’u informuar për një marrëveshje sekrete dhe detyruese për njohjen e pavarësisë së Kosovës, pretendime të cilat u hodhën poshtë edhe nga Gjuriç.