Kishte vënë në shenjestër automjete të ndryshme duke realizuar më pas edhe vjedhjen e tyre në një periudhë prej gati një viti. Policia e tiranës ka vënë në pranga autorin e dyshuar të 8 rasteve të vjedhjes së makinave të ndryshme dhe tentativës për të realizuar sërish në qarkun e Tiranës. Sipas njoftimit tëv policissë së tiranës, në pranga është vënë shtetasi nga Bulqiza me incialet M.O. Tentativa e fundit e realizuar prej tij ishte në 5 janar, ku tentoi të vidhte një automjet. Ndërkohë rastet e mëparshme të vjedhjes së makinave kanë ndodhur gjatë një viti, ku vjedhja e parë është realizuar në shkurt të vitit që kaloi në rrugën e dajtit, duke vijuar në kohë të ndryshme me automjete të tjera të parkuara në rrugë të ndryshme në të njëjtën zonë. policia beri të ditur se nga kontrollit i servisit të këtij shtetasi, në Shupenzë, Bulqizë, në bashkëpunim me Policinë e Bulqizës, është gjetur dhe sekuestruar një automjet pa targa, i dyshuar se është një prej mjeteve të vjedhura gjatë vitit të kaluar, pjesë automjetesh dhe sende që përdorte për të kryer vjedhjet. Nga provat e siguruara ka rezultuar se ky shtetas studionte vendet dhe mjetet që vidhte, vepronte në orët e vona të natës, duke krijuar kushte dhe duke ndërprerë ndriçimin elektrik të vendeve ku ishin parkuar këto automjete. Po nga hetimet dyshohet se ky shtetas, makinat e vjedhura i çmontonte për t’i shitur për pjesë këmbimi. gruopi heimor nën drektimin e prokurorisë po vijon punën për dokumentimin e vjedhjeve të tjera, në të cilat mund të jetë të implikuar ky shtetas.