Serbia ka refuzuar kërkesën e katër ministrave kosovarë kërkesën për vizitë në Medvegjë, Bujanoc dhe Preshevën. Bëhet fjalë për ministren e Arsimit, Arbërie Nagavcit, ministrin e Financave, Hekuran Murati, ministrin e Infrasatrukturës, Liburn Aliu si dhe ministrin e Kulturës, Hajrullah Çeku. Lajmin e ka bërë me dije, vet një prej ministrave, Liburn Aliu përmes një postimi në rrjetet sociale. Ai shprehet se kërkesa është refuzuar nga ana e Serbisë rreth orës 07:13 minuta të mëngjesit, pak momente para nisjen së delegacionit, pa asnjë arsye. Agjenda e aktivitetit të katër ministrave kosovar, përfshinte vizitën, në datat 27 dhe 28 Nëntor, në të tre komunat e banuara me shqiptarë dhe takime me kryetarët e komunave, përfaqësuesit në parlament, në nivelin lokal dhe me krerët e subjekteve politike. Sipas Liburn Aliut, refuzimi i kërkesës është pengim i hapur për të ndihmuar qytetarët e diskriminuar shqiptarë në Preshevë, Medvegjë dhe Bujanoc.