Në kuadër të takimit të liderëve evropianë që po mbahet në granada të spanjës, presidentja e kosovës, Vjosa Osmani, ka zhvilluar një seri takimesh, mes të cilave edhe me presidentin francez, emmanuel Macron. Vetë ajo tha se kishte patur një takim të rëndësishëm mbi zhvillimet e sigurisë në kosovë me homologun francez dhe se i kishte kërkuar atij që serbia të konsiderohet përgjegjëse për aktin e agresionit të saj kundër republikës së kosovës. Në një bisedë me kryeministrin britanik, Rishi Sunak, në margjinat e takimit, osmani tha se e kishte falenderuar atë për faktin se po ndihmon Kosovën të ruajë kufirin me serbinë. Osmani tha se e kishte informuar kreun e qeverisë britanike për situatën e sigurisë në Kosovë pas aktit të agresionit të Serbisë dhe e ka falendëruar atë për forcat shtesë që Britania e madhe po dërgon në Kosovë në kuadër të KFOR-it. Më herët, presidentja e kosovës tha se kishte biseduar edhe me kancelarin gjerman, Olaf Scholz dhe kryeministrin grek Qiriako Micotaqis, ndërsa presidenti i serbisë, aleksandër vucic, shihej në pamje i vetmuar.