Autoritetet serbe i anuluan lejen e qëndrimit Yevgeny Irzhanskyt, një shtetas rus i njohur për organizimin e koncerteve kundër luftës dhe eventeve të tjera kulturore në Serbi. Ky është vendimi i fundit në një seri vendimesh që autoritetet kanë marrë kundër refugjatëve rusë që janë kundër luftës. Irzhansky që ka punuar si organizator eventesh në Serbi që nga viti 2022, së fundi ishte pajisur me leje qëndrimi. Më 28 gusht, ai u thirr në Ministrinë e Jashtme dhe u mor në pyetje nga një punonjës i ministrisë lidhur me aktivitetet e tij si organizator koncertesh. Më pas punonjësi e la Irzhanskyn të presë dhe u kthye më vonë për t’i treguar se leja e qëndrimit i ishte anuluar. Atij nuk i ishte dhënë asnjë arsye për këtë vendim, por Irzhanskyt iu dha një letër që ta nënshkruante, në të cilën lihej të kuptohej se ai ishte “kërcënim për sigurinë kombëtare të Serbisë”, tha Shoqëria Demokratike Ruse, me seli në Beograd.