Për mbajtjen e zgjedhjeve të reja të parakohshme në katër komunat veriore të vendit, popullata serbe që është shumicë në këto zona, ka disa kushte. Ata thonë se duan që fillimisht të krijohet Asociacioni i komunave me shumicë serbe, pastaj që policia të tërhiqet nga veriu, të lirohen të gjithë të burgosurit serbë, si dhe kryetarët shqiptarë të komunave të tërhiqen, në mënyrë që ata pastaj të marrin pjesë në zgjedhjet që do të organizoheshin nga Qeveria e Kosovës. ‘Është gjëja e duhur që zgjedhjet të mbahen, të jenë legjitime. por ka kushte që së pari duhet plotësuar… Të tërhiqen të gjitha forcat policore, të lirohen hapësirat komunale dhe arsimore…Kusht është po ashtu formimi i Asociacionit të komunave me shumicë serbe i cili është nënshkruar para njëmbëdhjetë vitesh… ‘Zgjedhjet duhet të mbahen, por duhet të plotësohen kushtet, të formohet Asociacioni i komunave me shumicë serbe, të lirohen të arrestuarit, do të thotë të plotësohen të gjitha kushtet… edhe kryetarët e gënjeshtërt që nuk përfaqësojnë shumicën, duhet të tërhiqen Për Mileva Bashcarevic, nga mitrovica e veriut, shqiptarët dhe serbët duhet të jetojnë bashkë dhe të kenë të drejta të barabarta. Por ajo shtoi se pa plotësimin e kushteve, serbët nuk do të marrin pjesë në zgjedhje.