Dy persona janë arrestuar nga policia e Gjirokastrës, ndërsa një tjetër u shpall në kërkim, gjatë një operacioni ku u sekuestruan 21 kg drogë e llojit kanabis sattiva. Operacioni i struktuarave të antidrogës i koduar “Fluksi”, u organizua pas informacioneve të marra në rrugë operative se disa persona që udhëtonin në një mjet po transportonin një sasi lëndësh narkotike në zonën afër kufirit me Greqinë. Në pranga te policisë ranë drejtuesi i mjetit, një 22 vjeçar nga fshati Karjan në Gjirokastrër si një 48 vjeçar nga fshati Kotë i Vlorës. Sasia e sekuestuar prej 21 kg kanabis ishte paketuar në dy canta, e presuar në trajtën e çokollatës, të cilat u sekuestruan në cilësinë e provës materiale. Nga veprimet e kryera hetimore rezultoi se lëndën narkotike do ta transportonte për në shtetin grek shtetasi me inicalet Dh. K. Në kërkim u shpall një shtetas tjetër që dyshohet se është organizator i kësaj veprimtarie kriminale. Po kështu gjatë kontrollit të banesës së njërit prej të prangosurve u konstatuan të kultivuara disa bimë narkotike. Materialet në ngarkim të shtetasve të mësipërm i kaluan Prokurorisë së Gjirokastrës, për veprën penale “Trafikim i lëndëve narkotike” e mbetur në tentativë, e kryer në bashkëpunim, gjithashtu për shtetasin K.M. u referuan materialet dhe për veprën penale “Kultivim i bimëve narkotike”.