Kërkesat financiare të institucioneve të pavarura para komisioneve parlamentare për projektbuxhetin e vitit të ardhshëm përvecc pretendimeve për më shumë fonde nga ana e Qeverisë, nxjerrin në pah edhe shkeljen e hierarkisë së pagave në këto institucione pas reformës së fundit të rrogave në administratën publike. Autoriteti i Konkurrencës kërkoi 14.2 milionë lekë shtesë në buxhet, ndërsa kreu i tij, Denar Biba ngriti shqetësime jo vetëm për kushtet e punës, por edhe për pagat e tyre, që sipas tij, nuk janë konkurruese në treg.