Agjentët federalë të drogave në SHBA thonë se kanë konfiskuar mjaftueshëm Fentanik në 2022 sa për të vrarë cdo amerikan. Agjencia e luftës ndaj drogave, DEA, tha se kishte kapur 379 milionë doza vdekjeprurëse fentanili, secila prej tyre vetëm 2 miligramë. DEA e përshkruan substancën që shkakton shumë varësi, 50 herë më të fuqishme se herorina, si drogën më vdekjeprurëse në SHBA. Agjencia thotë se pjesa më e madhe e fentanilit është trafikuar në shba nga Meksika. DEA thotë se ka konfiskuar më shumë se 4500 kg fentanil si edhe 50.6 milionë pilula fentanil që i ngjasonin qetësuesve të ndryshëm që jepen me receta mjeku. E kjo sasi e konfiskuar është dy herë më e madhe se ajo e konfiskuar në 2021. Pjesa më e madhe e frogave, prodhohen në masë në fabrika sekrete në meksikë nga kartelet e drogës Sinaloa dhe Jalisco, që përdorin kimikate që vijnë nga Kina. Droga është aq e fuqishme tani sa që një dozë vdekjeprurëse është sa maja e një lapsi. Më shumë se 100 mijë amerikanë kanë humbur jetën si pasojë e overdozave vitin e kaluar dhe dy të tretat e vdekjeve ishin të lidhura me fentanilin. Sasia e fentanilit e konfiskuar këtë vit është e mjaftueshme për të vrarë të 330 milionë banorët e shteteve të bashkuara të amerikës – thotë DEA.