Liderët e G7-ës, të mbledhur në japoni, do të diskutojnë edhe për vendosjen e sanksioneve mbi tregtinë miliarda dollarëshe të rusisë – tha një zyrtar i BE-së të enjten, me shpresën se do ta privojnë moskën nga fondet për luftën e saj në ukrainë. “Ne besojmë se kemi nevojë të vendosim kufizime për eksportet nga rusia në këtë sektor”, tha zyrtari duke shtuar se G7 ka pak gjasa të arrijë një marrëveshje finale për temën delikate në japoni. Rusia eksportoi diamante në vlerë thuajse 5 miliardë dollarë në 2021, sipas ekspertëve. Emiratet e bashkuara arabe, india dhe Belgjika, janë mes importuesve më të mëdhenj të saj. Zyrtari i BE-së tha se blerësit indianë do të ishin të rëndësishëm për tu siguruar që një regjim sanksionesh të ketë pasojat maksimale. “Ne do të donim të angazhoheshim në dialog me ta sepse industria e diamanteve është shumë e rëndësishme në indi, jo aq për sa i takon shifrave, por kryesisht për sa i takon politikës dhe simbolizmit – tha zyrtari. India ka lidhje të ngushta ushtarake me Moskën dhe nuk ka dënuar kurrë pushtimin rus të Ukrainës. Kryeministri indian është ftuar në samitin e G7-ës në Hiroshima, bashkë me liderë të ekonomive të tjera në zhvillim, me shpresën se do ti japin një shuplakë të radhës rusisë.