Franca ka thirrur ambasadoren italiane në Paris, Emanuela D’Alessandro pas komenteve të zëvendëskryeministrit italian Matteo Salvini ndaj presidentit francez Emmanuel Macron, për mbështetjen e tij për dërgimin e trupave në Ukrainë. “Vish helmetën, xhaketën, pushkën dhe shko në Ukrainë”, raportohet se i ka thënë Salvini-Macronit duke komentuar propozimin e Francës për të dërguar trupa atje. zv/kryeministri italian Salvini kritikoi planet e Macron të cilat parashikojnë “ushtri evropiane, riarmatim evropian dhe borxhe të përbashkëta evropiane për të blerë raketa”, shkruan media italiane ANSA. Ky incidenti diplomatik detyroi Parisin të vendoste notë proteste dhe të theksonte “se këto komente janë në kundërshtim me klimën e besimit dhe marrëdhëniet historike midis dy vendeve, si dhe zhvillimet e fundit dypalëshe që kanë nxjerrë në pah konvergjenca të forta, veçanërisht në lidhje me mbështetjen e tyre të palëkundur për Ukrainën”. Sipas ANSA-s thirrja e ambasadores ka të bëj më së shumti me sulmet që zv/kryeministri ka bërë shpesh ndaj Macron të cilin dhe publikisht e ka quajtur një “nxitës lufte” dhe një “bombardues”.