Nënkryetari i grupit parlamentar të Partisë Demokratike, Ervin Salianji, ka kundërshtuar draftin e hartuar nga Enkelejd Alibeaj, që tregon formulën e zgjedhjes së presidentit dhe kriteret. Sipas tij ky draft është në favor të Edi Ramës, teksa hedh akuza ndaj Alibeajt, Agalliut e Pampurit. Sinkron: "Edhe sot nuk pati një mbledhje të kryesisë, ka pasur një përpjekje nga unë që të bëheshin pjesë e diskutimeve dhe deputetë të PD, përfaqësues të Rithemelimit, ka pasur dakordësi nga Boçi por nuk ka pasur mbledhje të kryesisë së grupit parlamentar. Ne funksionojmë me rregulloren e PD jo të Ramës. Kam komunikuar me pjesën më të madhe dhe nuk kam pasur asnjë njoftim të mbledhjes së kryesisë së grupit parlamentar se nuk ka kuorum me 3 persona që i shkojnë në favor plotësisht të Edi Ramës. Nuk e di dhe dua ta besoj që është naivitet politik, por të thuash që kandidati për presidentin nuk duhet të jetë i angazhuar në politikë gjatë 5 viteve të fundit është të shkosh pas Ramës."