Dmitry Medvedev, zëvendëskryetari i Këshillit të Sigurisë në Rusi, ka paralajmëruar Ukrainën pas vrasjes së gjeneralit të lartë Igor Kirillov, i cili drejtonte forcat e mbrojtjes bërthamore, biologjike dhe kimike të Rusisë. Ai tha se hakmarrja do të jetë e pashmangshme ndaj Kievit të cilin e bëri përgjegjës për ngjarjen. Medvedev, një aleat i ngushtë i presidentit Vladimir Putin, e bëri kërcënimin përmes një deklarate për agjencinë RIA Novosti. “Udhëheqja ushtarako-politike e regjimit të Kievit do të përballet me një ndëshkim të pashmangshëm për vrasjen e Kirillov. Duke kuptuar pashmangshmërinë e disfatës së saj ushtarake, ajo ndërmerr sulme frikacake dhe të neveritshme në qytetet paqësore.”, tha ai. Gjenerali i lartë Kirillov u vra mëngjesin e kësaj të marte si pasojë e një shpërthimi të fuqishëm. Ai drejtonte forcat e mbrojtjes bërthamore, biologjike dhe kimike të Rusisë.