Flota ruse në Paqësor ka nisur një seri stërvitjesh ushtarake një javore në të cilat janë përfshirë më shumë se 40 anije dhe mbi 20 avionë luftarakë – thanë agjencitë ruse të lajmeve duke cituar ministrinë ruse të mbrojtjes. Në një deklaratë të kësaj të fundit thuhet se stërvitjet do të zgjasin nga 3 deri në 10 qershor dhe do të përfshijnë vec të tjerash edhe grupe anijesh që do të bëjnë manovra me aviacionin e marinës duke simuluar operacione kërkimi për nëndetëse armike. Stërvitjet po zhvillohen në mesin e pushtimit tre mujor rus të Ukrainës, që moska e konsideron një operacion special ushtarak. Ukraina ndodhet mijëra kilometra në perëndim të vendit ku po mbahen stërvitjet, në paqësor. Më herët, ministria ruse e mbrojtjes konfirmoi edhe një stërvitje të forcave bërthamore të vendit, por nuk dha shumë detaje për të.