Ministria britanike e mbrojtjes thotë se rusia po shton sulmet ajrore në rajonin lindor të Donbasit në Ukrainë duke sulmuar me municione precize dhe municione të tjera. Raketat kruiz po përdoren për të ndërprerë lëvizjen e trupave ukrainase, përforcimet dhe furnizimet e tyre por këto sulme me raketa kanë dështuar deri më tani të kenë pasoja domethënëse dhe rezervat e raketave precize duket se janë reduktuar shumë. Raketat precize janë më efikase pasi përdorin pozicionimin satelitor, rreze infra të kuqe apo lazer për të shënjestruar objektivin. Municionet e tjera, si bombat që lëshohen në rënie të lirë, përdorin një trajektore të thjeshtë balistike pasi lëshohen nga një avion. Por, janë këto të fundit që kanë mbjellur më shumë shkatërrim në shumë zona të donbasit. Disa sulme ajër tokë janë kryer nga avionët Su-35 Frogfoot. Ata fluturojnë në lartësi të ulëta në sulme për ti shpëtuar sistemeve më të rrezikshme tokë ajër, edhe pse kjo lartësi e ulët i ekspozon përballë sistemeve të mbrojtjes ajrore portative si psh raketat stinger që përdor ukraina. Forca ajrore ruse po përdoret për të mbështetur avancimin e trupave në rajon. SHBA ka thënë më herët se taktikat ajrore ruse janë të rrezikshme dhe se avionët nuk duan të shpenzojnë shumë kohë në hapësirë ajrore ukrainase për shkak të kërcënimit nga raketat tokë ajër. Rusia mundet sidoqoftë të sulmojë edhe me raketa kruiz nga brenda territorit të saj. Pamjet: AFP