Ministria ruse e Mbrojtjes tha të shtunën se kishte rrëzuar tre dronë ukrainas mbi rajonin e Belgorodit, ndërsa guvernatori rajonal tha se një person ishte vrarë në një sulm me raketë ukrainase në një fshat afër kufirit. Guvernatorët e rajoneve të afërta kufitare të Bryansk dhe Kursk thanë se një varg fshatrash kufitare ishin vënë nën zjarr nga Ukraina dhe një grua ishte plagosur në rajonin e Kurskut. Sulmet me dronë ukrainas në territorin rus janë shtuar javët e fundit. Janë raportuar dhjetëra drone ukrainase të hedhura mbi Rusi, disa prej të cilëve edhe në Moskë, në një kompleks tregtar shumë të njohur të kryeqytetit. Në jo pakl raste autoritetet ruse janë detyruar të mbyllin aeorportet, pasi kanë vërejtur në qiell dronët. Ukraina ka nisur një kundërofensivë që në fillim të verës, për të rimarrë territoret e humbura gjatë një viti e gjysmë luftë, teksa jo rrallë ka filluar që të godasë edhe brenda Rusisë, kryesisht me dronë, të cilët ka marrë nga aleatët perëndimorë.