Imazhe nga testimet kanë zbuluar sistemin e ri të frikshëm të rusisë, S-500 Prometeus, që moska pretendon se mund të shkatërrojë raketat hipersonike në ardhje, në hapësirën e afërt. Videoja tregon një raketë gjigande që lancohet nga një platformë e lëvizshme e ngritur në pozicion vertikal. Një nga raketat 77N6-N është vendosur në platformë dhe një sekondë më pas, motori i saj ndizet dhe ajo lëshohet në qiell. Ministria e mbrojtjes më pas tha se raketa kishte goditur me sukses një shënjestër balistike me shpejtësi të lartë në Kapustin Yar, afër detit kaspik. Sistemi tokë ajër i mbrojtjes, S-500, ka si qëllim rrëzimin e avionëve dhe raketave armike deri në një lartësi prej 200 km. Kjo i con raketat balistike e madje edhe satelitët në orbitën e ulët, brenda rrezes së saj të veprimit. Sistemi i ri raportohet se mund të godasë një shënjestër që udhëton me shpejtësi deri në 18 mijë km në orë ndërsa udhëhiqet nga një sistem i avancuar radarësh gjurmimi në një mjet në tokë.