Ishte ky një lloj dueli në distancë, megjithatë nuk bëhej fjalë për një konkurs në një klub debati, por për luftën dhe paqen, jetën dhe vdekjen. Putin akuzoi Ukrainën, SHBA-në dhe sipas pikëpamjes së tij perëndimin "arrogant" se ata e filluan luftën në Ukrainë. Rusia vetëm duhet të mbrohet. Këtë pretendim nuk e injoroi Joe Biden, por iu drejtua popullit rus drejtpërdrejt. "Perëndimi nuk planifikon asnjë sulm kundër Rusisë." Biden tha, se Putini e zgjodhi luftën. Ai mund ta mbarojë atë me një fjalë. Putin tha në Moskë, se Rusia del nga marrëveshja e superfuqive për kufizimin e armëve bërthamore. Analistët tani flasin për ‘mprehje shpatash nga Moska pavarësisht se nuk pritet prej tyre që Putin të përshkallëzojë situatën në aspektin bërthamor. Në kopshtin e Kështjellës së Varshavës, Joe Biden para mijëra qytetarëve të mbledhur tha se në përballjen me Rusinë bëhet fjalë për luftën mes diktaturës dhe lirisë.