Shtimi i sulmeve me raketa nga ana e Rusisë mbi Ukrainë, pjesërisht ka si qëllim të ezaurojë burimet e Kievit në mbrojtje ajrore dhe të arrijë më në fund në këtë mënyrë dominimin e qiejve mbi vend – tha një zyrtar i lartë i Pentagonit të shtunën. Rusia ka lëshuar breshëri raketash mbi qytetet në të gjithë ukrainën në një prej valëve më të rënda të sulmeve që kur Moska nisi pushtimin, afro nëntë muaj më parë. Ukraina thotë se sulmet kanë shkatërruar thuajse gjysmën e sistemit energjetik të Ukrainës, duke krijuar një katastrofë të mundshme humanitare tani që dimri po vjen. Colin Kahl, këshilltar i lartë politik i Pentagonit, tha se Moska shpreson që në këtë mënyrë të shkatërrojë mbrojtjen ajrore ukrainase që deri më tani ka penguar ushtrinë ruse që të vendosë dominimin në qiejt e ukrainës.