Rusia do të rrisë shpenzimet e saj për mbrojtjen me 25%, në një nivel rekord të pashënuar ndonjëherë, ndërkohë që presidenti Vladimir Putin zotohet të vazhdojë përpjekjet e tij të luftës në Ukrainë dhe të përshkallëzojë më tej përplasjen e tij me perëndimin. Rritja e fundit e planifikuar e shpenzimeve do ta çojë buxhetin e mbrojtjes së Rusisë në një rekord prej 13.5 trilion rublash ose 150 miliardë dollarë në vitin 2025, sipas projekt-dokumenteve të buxhetit të publikuar në faqen e internetit të parlamentit. Kjo është rreth 3 trilion rubla më shumë se sa ishte caktuar për mbrojtjen këtë vit, që ishte edhe rekordi i mëparshëm. Të marra së bashku, shpenzimet për mbrojtjen dhe sigurinë do të përbëjnë rreth 40% të shpenzimeve totale të qeverisë së Rusisë – ose 41.5 trilion rubla në vitin 2025.