Administrata e presidentit të SHBA-së, Joe Biden, ka akuzuar Iraninse po e mbështet Rusubw me ndihma ushtarake përfshirë furnizimin me helikopterë dhe avionë luftarakë. Kjo thuhet të jetë pjesë e një bashkëpunimi gjithnjë e më të ngushtë mes dy vendeve, pasi Teherani e mbështet pushtimin e Ukrainës nga Rusia. Zëdhënësi i Këshillit Kombëtar të Sigurisë në Shtëpinë e Bardhë, John Kirby, tha të premten se, sipas vlerësimeve të inteligjencës amerikane, Rusia po i ofronte Iranit “mbështetje të paprecedentë ushtarake dhe teknike që po e transferon marrëdhënien e tyre në një partneritet të plotë të mbrojtjes”. Kirby tha se Rusia dhe Irani po e shqyrtonin mundësinë e ndërtimit të një linje montimi të dronëve në Rusi, ndërsa Rusia po ushtron pilotë iranianë për avionin luftarak Sukhoi Su-35, me të cilin mund të furnizohet Irani brenda vitit.