Rusi më i pasur i Silicon Valley-t, Yuri Milner, tha se ka hequr dorë nga shtetësia ruse pas pushtimit të Ukrainës. Vetë pronari i DST Global, ka rrëfyer në llogarinë e tij në Tëitter se procedura e heqjes dorë nga shtetësia ruse kishte përfunduar në gusht. Miliarderi që sipas revistës Forbes ka një pasuri prej rreth 3.5 miliardë dollarësh, ka treguar se ai dhe familja e tij janë larguar nga rusia në 2014-ën, pas aneksimit të Krimesë, që së fundmi është bërë skenë e një sulmi me një kamion bombë në urën që e lidh atë me rusinë. Kur Rusia sulmoi Ukrainën në fillim të këtij viti, Milner dënoi luftën që vendi i tij nisi kundër fqinjit, kundër një shteti sovran. Dst Global, sipas Bloomberg, ka bërë investime të rëndësishme në disa gjigantë të teknologjisë, mes të cilëve Facebook dhe Tëitter. Në 2011-ën pati dyshime se shoqëria kishte marrë fonde nga një bankë ruse e kontrolluar nga Kremlini dhe nga financues të tjerë të moskës. Vetë Milner gjithnjë i ka mohuar akuzat duke nënvizuar se kompania e tij nuk ka bërë kurrë investime në rusi. Me kostumin e një kapitalisti-sipërmarrës, Juri Milner është investitori tashmë ish-rus, me më shumë ndikim në sektorin e teknologjisë së informacionit. Miliarderi është bashkëthemelues dhe ish president i shoqërisë së internetit Mail.Ru Group dhe themelues i shoqërisë së investimeve Dst Global.