Presidenti rus, Vladimir Putin do takohet me homologun kinez Xi Jinping, në kinë, këtë javë, në një përpjekje për të thelluar partnershipin e lidhur mes dy kundërshtarëve më të mëdhenj strategjikë të Shteteve të Bashkuara të Amerikës. Putin do të marrë pjesë në forumin Një rrip, një rrugë, që do të mbahet në pekin më 17 dhe 18 tetor, në të parin udhëtim të tij jashtë ish-bashkimit sovjetik që kur gjykata penale ndërkombëtare e hagës lëshoi një fletë arresti për të në mars, për deportimin e fëmijëve nga ukraina. Kina dhe rusia kanë shpallur një partnership pa limite në shkurt 2022, kur Putin vizitoi pekinin vetëm pak ditë para se ai të niste me mijëra trupa në Ukrainë, duke ndezur edhe luftën më vdekjeprurëse në evropë që pas luftës së dytë botërore. SHBA e konsideron Kinën si konkurenten më të madhe të saj dhe Rusinë, si kërcënimin më të madh, ndërsa presidenti amerikan, Joe Biden argumenton se ky shekull do të përcaktohet nga një garë ekzistencialiste mes demokracive dhe autokracive. Biden e ka cilësuar Xi Jinpingun si diktator ndërsa ka thënë se Putin është një vrasës. Pekini dhe moska e kanë dënuar Bidenin për këto komente. Që nga fillimi i luftës në ukrainë, putin ka qëndruar kryesisht brenda territorit të ish bashkimit sovjetik, edhe pse ai vizitoi Iranin vitin e kaluar për bisedime me liderin suprem, Ajatollahun Ali Khamenei.