Forcat ruse dhe ukrainase po luftojnë për çdo centimetër në rrugët e Bakhmut, por Rusia nuk e kontrollon qytetin lindor, tha nënkryebashkiaku i qytetit. . Oleksandr Marchenko tha gjithashtu për BBC se 4,000 civilët e mbetur po jetojnë në strehimore pa akses në gaz, energji elektrike ose ujë. Marchenko tha se "asnjë ndërtesë e vetme" nuk kishte mbetur e paprekur dhe se qyteti është "pothuajse i shkatërruar". Bakhmut është epiqendër e luftimeve të ashpra prej muajsh tashmë, ndërsa burimet ukrainase thonë se Moska ka humbur të paktën 20 mijë ushtarë në përpjekje për ta marrë atë. Marrja e qytetit do të ishte suksesi i parë i madh i Rusisë në ofensivën që prej muajsh ka ngecur thuajse në vendnumëro prej rezistencës ukrainase. Ekspertët thonë se rusët po nxitojnë ta vënë nën kontroll këtë qytet nga frika se rezistenca e Ukrainës do të jetë më e fortë kur të mbërrijnë dërgesat e armëve të reja nga Perëndimi, sidomos tanket gjermane Leopard. Pamjet: AFP