Jeff Bezos e ka rimarrë titullin e më të pasurit të botës duke I dhënë fund kështu mbretërimimit vetëm 6 javor të Elon Musk. Sipas Bloomberg Billionaires Index, themeluesi I Amazon ka një pasuri prej 191 miliardë dollarësh krahasuar me 190 miliardë të pronarit të Teslas. Në vend të tretë vjen Bill Gates me 137 miliardë, I ndjekur nga Bernard Arnault me 116 dhe Mark Zuckerberg me 104. Në përgjithësi, miliarderët kanë përjetuar një rritje rekord të pasurisë së tyre gjatë pandemisë, teksa llogaritet që më shumë të kenë fituar shefat ekzekutivë të kompanive teknologjike. Personat më të pasur në botë kanë regjistruar rritje prej 27.5 për qind apo 10.2 trilionë dollarë amerikanë pasuri, nga prilli deri në korrik të 2020-tës, bazuar në një raport të bankës zvicerane, UBS. Banka zvicerane ka thënë se miliarderët kanë pasur periudhë “jashtëzakonisht të mirë” gjatë krizës së Covid 19.