Kina ka raportuar sërish 28 raste të reja të koronavirusit, 21 prej të cilëve në pekin. Në një javë, infektimet e lidhura me tregun e ushqimeve në kryeqytetin kinez kanë shkuar në 158 ndërsa autoritetet vazhdojnë të forcojnë masat e parandalimit dhe kontrollit. Media shtetërore kineze thotë se virusi ishte zbuluar në prerësen e përdorur për salmonin e importuar në tregun Xinfadi, dhe kjo ka ndezur frikë. Supermarketet dhe restorantet në pekin kanë tërhequr salmonin nga raftet dhe importet nga evropa janë ndalur. Por qendra kineze për kontrollin e sëmundjeve tha se ka pak gjasa që salmoni të ketë mbajtur virusin. Por si shpërtheu paniku? Të enjten e shkuar, pekini raportoi rastin e parë të virusit pas 57 ditësh pa asnjë infeksion të brendshëm. Që atëherë, numri i rasteve ka shkuar në 158, thuajse të gjithë të lidhur me tregun e pekinit. Tregu Xinfadi furnizon banorët e pekinit me perime dhe mish në masën 80 për qind dhe përdoret nga dhjetëra e mijëra njerëz në ditë. Por, ndryshe nga tregu në Ëuhan, nuk ka prova për tregtinë e kafshëve të egra në këtë rast. Gjurmë të virusit u gjetën në një prerëse të përdorur nga një shitës salmoni të importuar. Por, rreth 40 kampionë nga tregu rezultuan pozitivë për virusin, disa prej të cilëve nuk vinin prej tij.